- O'zbekiston Respublikasi Toshkent sh, Islom Karimov ko'chasi 65
Yangiliklar
2024-06-28
2 150 000 soʻmlik nuqsonli velosiped sifatlisiga almashtirildi
Dehqonobod tumanida yashovchi fuqaro I.Sh. tumanda faoliyat olib boruvchi yakka tartibdagi tadbirkorga qarashli savdo doʻkonidan 2 million 150 ming soʻmga velosiped sotib oladi. Biroq, oradan biroz vaqt oʻtib, unda jiddiy nuqsonlar aniqlanadi. Ya'ni, velopedning gʻildirak qismi mutlaqo yaroqsiz ekanligi ma'lum boʻladi. Sotuvchiga ushbu nuqsonli mahsulotni almashtirish haqida qilgan murojaati inobatga olinmaydi.
Tuman iste'molchilar huquqlarini himoya qilish jamiyati tomonidan fuqaroning murojaati oʻrganilib, sotuvchiga amaldagi iste'molchilar huquqlarini himoya qilishga oid qonunchilik talablari tushuntirildi va nuqsonli velosiped shu rusumdagi boshqa sifatlisiga almashtirib berildi.
