- O'zbekiston Respublikasi Toshkent sh, Islom Karimov ko'chasi 65
Yangiliklar
2024-05-31
ISTE'MOLCHINING ICHIMLIK SUVIDAN ASOSSIZ KELIB CHIQQAN 1,5 MILLION SOʻM QARZI BEKOR QILINDI
Qamashi tumanida yashovchi fuqaro S.Q. tuman iste'molchilar huquqlarini himoya qilish jamiyatiga murojaat qilib, ichimlik suvi toʻlovlaridan asossiz qarzdorlik hisoblanayotganligini ma'lum qilgan.
Mazkur murojaat tuman aholisini ichimlik suvi bilan ta'minlovchi “Qamay-Qorasuv EKOS” MChJ mas'ullari bilan hamkorlikda Oʻzbekiston Respublikasi Vazirlar Mahkamasining 2014-yil 15-iyuldagi 194-son qarori bilan tasdiqlangan “Iste'molchilarga suv ta'minoti va suv chiqarish xizmatlari koʻrsatish qoidalari” talablariga muvofiq oʻrganilib, iste'molchining xonadoniga hisoblagich koʻrsatgichlaridan ortiqcha suv sarfi hisoblanishi oqibatida toʻlovlardan 1 million 500 ming soʻm qarzdorlik yuzaga kelganligiga oydinlik kiritildi.
Murojaatni oʻrganish jarayonida asossiz hisoblangan qarzdorlik qayta hisob-kitob qilinishi ta'minlandi.
